LA NOSTRA CURA
Il mito della Dea Cura narrato da Igino (64 a.C. – 17 d.C.)
nei versi e nella musica di Mauro Geraci

Roma, novembre 2024

Cura eum quendam fluvium transiret, vidit cretosum lutum, sustulit cogitabunda et coepit fingere hominem. Dum deliberat secum, quidnam fecisset, intervenit lovis; rogat eum Cura, ut ei daret spiritum, quod facile ab love impetravit. Cui cum vellet Cura nomen suum imponere, lovis prohibuit suumque nomen ei dandum esse dixit. Dum de nomine Cura et lovis disceptarent, surrexit et Tellus suumque nomen ei imponi debere dicebat, quandoquidem corpus suum praebuisset. Sumpserunt Saturnum iudicem; quibus Saturnus aequus videtur iudicasse: “Tu, lovis, quoniam spiritum dedisti, <animam post mortem accipe; Tellus, quoniam corpus praebuit>, corpus recipito. Cura quoniam prima eum finxit, quamdiu vixerit, Cura eum possideat; sed quoniam de nomine eius controversia est, homo vocetur, quoniam ex humo videtur esse factus (Igino, Fabula 220).

Cura, mentre stava attraversando un fiume, scorse del fango cretoso; pensierosa ne raccolse un po’ e incominciò a dargli forma. Mentre è intenta a stabilire che cosa abbia fatto, interviene Giove. La “Cura” lo prega di infondere lo spirito a ciò che essa aveva fatto. Giove acconsente volentieri. Ma quando Cura pretese imporre il suo nome a ciò che aveva fatto, Giove glielo proibì e volle fosse imposto il proprio. Mentre Cura e Giove disputavano sul nome, intervenne anche la Terra, reclamando che a ciò che era stato fatto fosse imposto il proprio nome, perché aveva dato ad esso una parte del proprio corpo. I disputanti elessero Saturno a giudice. Il quale comunicò ai contendenti la seguente giusta decisione: “Tu, Giove, che hai dato lo spirito, al momento della morte riceverai lo spirito; tu, Terra, che hai dato il corpo, riceverai il corpo. Ma poiché fu Cura che per prima diede forma a questo essere, fin che esso vive lo possieda Cura. Per quanto concerne la controversia sul nome, si chiami homo poiché è fatto di humus (Igino, Fabula 220).

Ascolta

Testo

Appena di lu caos avia nisciutu
non c’era l’omu ed era un Paradisu,
lu munnu ancora non era pirdutu
d’u Suli aveva ‘n facci lu surrisu,
la Terra arrisplinnia tra cielu e mari
e li campagni virdi tutti pari.

Passiavanu li Dei comu cumpari,
Giovi cu Gaia eranu filici,
na brioscia, na granita, a schiticchiari
tra gelsumini, aranci e tamirici,
ed a passiari cu iddi a la vintura
na Dia d’Amuri c’era detta Cura.

Fimmina era, squieta pi natura,
bona, giniali e li capiddi biunni,
all’arba si parteva di prim’ura
ntra viddi e vaddi e ntra voscura funni,
in armunia cu pianti, arbuli e ciuri,
e l’armaleddi cu lu sò canduri.

E na jurnata china di caluri
a ripa di nu ciumi idda scinnia,
gudennusi di l’acqua li friscuri
a sprizzi e sprazzi mentri ca passia,
Cura vidia ca supra u fangu a lampu
d’i so piduzzi ci arristava u stampu.

“Guarda chi bella!”, dissi, e fu n’avvampu
nta la so menti e si firmau un mumentu.
Pinsau: “Si non è veru cchiù non campu!
Stu fangu è assai cchiù megghiu d’u cimentu”,
e si calau ed azziccau li jta
poi si susiu arricugghiennu crita.

A lu tuccari ci parsi ca era sita
e chi piaciri granni ci pruvava
a daricci la forma cchiù cumprita
Cura cu l’arti so la ‘vo ‘mpastava,
fin quannu nni spuntaru cu stupuri
dui fimmineddi beddi comu ciuri.

Di fangu eranu ma avianu lu culuri,
li facci ‘ncarnateddi di ddu’ schetti,
tantu ca a Cura ci ‘vvampau u russuri
pinsannu: “Mii, li fici assai pirfetti
di comu u stissu Giovi avissi fattu
o Michelancilu Re di lu ritrattu”.

Pinsannu chistu l’occhi jsau di scattu,
e dissi a Giovi: “Ricordi quannu stancu
t’arricampavi a casa tuttu sfattu,
cu l’anchi torti e a manu nta lu ciancu?
Quannu mi cunfissavi cu rimpiantu:
‘Pi st’Universu mi fici un culu tantu’?

Iu ti spugghiava e ti faceva mantu,
ti massaggiava supra lu giacigghiu
e la stanchizza si sciugghia e lu schiantu
e arriturnavi tisu com’un gigghiu.
Ora sugn’iu ca ti dumannu aita:
a li me statui tu c’ha dari a vita!”

Doppu ca Cura fici sta surtita
Giovi cci dissi: “Cura d’u me cori!
Tu sì pi mia megghiu di na zita
e ora ti lu rennu lu favuri”.
Ed all’istanti li statui d’argilla
danzavanu nta l’acqua chi svafilla.

E a lampu dintra l’occhi na scintilla
si c’addumau di fururi umanu
e tuttu l’incarnatu ora ci brilla
di jancu e rosa vivu rusticanu
e cu grazia divina nta ddu stagnu
li fimmineddi si facianu u bagnu.

Facemu u bagnu oilì oilà
priziusu e finu oilì oilà
bagnu divinu oilì oilà
cunsigghiu di Re.

Prestu abballamu oilì oilà
la vita è bella oilì oilà
signu supremu oilì oilà
di l’eternità.

A stu guardari Giovi assai grifagnu
ca troppu bona a fici sta magia,
ci dissi: “Cura, scusa si mi lagnu
ma ora sti carusi sunnu ‘i mia”,
e puru a Dia d’a Terra dissi: “Cui?
Damucci u nomu e nni futtemu nui!”

Cura si ‘ntisi mali ntra sti ddui
pirchì capiu ca nuddu ‘i dui babbiava,
cu li criaturi ‘un pò mi si nni fuj
sinnò Giovi a magia l’arrevucava,
e mentri s’angustiava a lu frastonu
ci vinni ‘n testa d’invucari a Cronu.

Lu gran Titanu a lampu com’un tronu
“Finemula – ci dissi – beccamorti!
Sulu li spirta Giovi avrai pi donu
ma sulu quannu i fimmini su’ morti,
mentri tu, Gaia, ca ci mittisti a crita
t’arripigghi li corpa a fini vita.

Tu, inveci, Cura mia, fata ciurita,
mentri su’ vivi l’avrai sutta li ali,
ca cu li manu to ci dasti vita
e sulu tu ci poi ‘lleviari u mali
a st’animali ca Omu lu vattiu
pirchì di l’humus di tia fattu nasciu”.

‘Ccussì dicennu Cronu scumpariu
e Cura ristau matri d’i criaturi,
ghiornu pi ghiornu si li ‘vo ’ccudiu
cu granni affettu e tutti li primuri,
di la matina finu a li nuttati
li tinia sazi, frischi e pittinati.

Si c’era ventu nta li friddurati
idda li cummugghiava pristamenti,
e ogni malannu a pinnuli e pumati
ci li curava a chisti dui ‘nnuccenti,
però cu tuttu chistu s’addunava
ca ogni cura era sempri vana,

pirchì fragili assai era la grana
man manu ca passavanu li anni
e l’acqua ci finia di la funtana
a ddi picciotti addivintati granni,
ca la natura e u tempu facianu mali
a ddi ddu poveri e misiri murtali.

E mentri Giovi e Gaia aprunu l’ali
pronti a ripigghiarisi i criaturi
a Cura lu scunfortu cchiù bistiali,
l’ansia, l’affannu, u scantu e li pauri
ci vinniru man manu s’accurgeva
ca dari aiutu cchiù non ci puteva.

Vidennu ca la vita ci ‘llisteva
lu cori a Cura si c’allammicava,
a Giovi, a Gaia, a Cronu ci diceva:
“Gran pezzi i fangu siti! – ci gridava –
Vui cunnannastu l’Omu a lu trapassu
e d’i so mali vi pigghiati spassu.

Cchiù ‘nfnnu di l’infernu siti ‘m bassu,
tiranni siti e d’ognunu nimici
e di vuatri è megghiu stari arrassu
ca l’Omu lu rrinnistivu infilici”,
ccussì dicennu Cura s’alluntana
cu lu duluri ‘m pettu ca c’acchiana.

Na vota ca passau dda buriana
Cura di li Dei fu diclassata,
divinni di l’Olimpu a cchiù mundana
e all’ammalati vinni distinata,
a li ciunchi, fragili e dipressi,
a li disabili e all’omini cchiù persi.

Ora non trovu cca mancu li versi
pi dirivi l’amuri sopraffinu
ca Cura ci mittia cu li cchiù avversi
a li cchiù turmentati d’u distinu,
ci accarizzava sempri li capiddi
e c’u so cantu nni faceva stiddi.

L’omini inveci ca si sintianu ariddi,
ca si scurdaru di la so fralizza,
pi lu putiri comu picciriddi
si muzzicavanu peggiu d’a canizza,
e d’angherii, di pripuptenzi e abusi
a la natura facianu li suprusi.

Ma Cura ormai è fora di sti usi,
fora d’u tempu e di lu spaziu era,
ca di l’affritti, mischini ed esclusi
sta Dia nni divinni Curandera,
capaci d’alleviaricci l’affanni,
e li dulura di tutti i malanni.

Cantava sempri all’ariu a tutti i banni
cu la so vuci pregna di sapiri,
di tutta l’umiltà ca i Dei tiranni
scurdaru pi la siti di putiri,
e cu stu cantu di ducizza ‘ntrisu
purtava li malati ‘m Paradisu.

Pirciò vi lassu cu lu so surrisu
chinu d’amuri e d’umanitati,
si vi sintiti persi all’impruvvisu
Cura è sempri cu vui non vi scantati,
vi l’assicura cca Mauru Giraci
ca beni assai vi voli e duna paci.

Per lasciare un tuo graditissimo commento la prima volta dovrai registrarti. Semplicissimo!
1) Clicca qui sotto sulla parola “connesso”;
2) Clicca sulla parola “Registrati”, quindi inserisci un Nome e un indirizzo Mail;
3) Clicca sul link dentro la mail che subito riceverai e ti verrà data una password che potrai già personalizzare;
4) Effettua il login per entrare nel mio sito e lascia i tuoi commenti in fondo a ogni pagina.
Grazie!